Presidenti Ilir Meta, përmes një postimi në rrjetin e tij social FB ka përkujtuar 70-vjetorin E ekzekutimit të 22 intelektualëve, pa gjyq DHE me pretendimin e stisur të hedhjes së një bombe në ish-Legatën Sovjetike në Tiranë.
Ai shkruan se kjo masakër e llahtarshme, e kryer brenda një nate është simbol i terrorit ndaj mendimit ndryshe dhe një nder krimet më të rënda shtetërore të atij sistemi duke shtuar se të tilla tragjedi nuk duhet të përsëriten.
“Një popull që fle në demokraci, rrezikon që një ditë të zgjohet në diktaturë”, shton kreu i shtetit.
Meta tha se në 25 prill do të jetë dita e triumfit të demokracisë dhe fuqisë së votës të çdo qytetari.
