Vokalisti i grupit të njohur “Pro Band”, Moni Rama, i ftuar ditën e sotme në emisionin “Shqipëria Live”, ka diskutuar për papunësinë për shkak të pandemisë.
“Nuk kemi bërë asnjë dasmë për vitin 2020. Arsyeja është se ne jemi një bend ku ka shumë njerëz të ftuar në dasma, e si pasojë janë edhe anuluar dasmat. Gjithashtu martohen edhe emigrantët, të cilët në këtë periudhë nuk kanë ardhur”, tha ai.
I pyetur se në sa dasma është pjesëmarrës me grupin e tij gjatë një viti, i tha se janë shumë.
“Para se të mbylleshim nga pandemia, në listë kam patur 60 dasma 20 mbrëmje mature dhe 10 koncerte në botë. Kjo është për keqardhje, por po na mban ajo që është e gjithë bota në këtë situatë. Por shëndeti i njerëzve është fillimisht”, tha Rama.
