Personi që u qëllua me armë zjarri në Tiranë këtë të Enjte, ka humbur jetën. Njgjarja ka ndodhur pranë “Piramidës”, orët e mëngjesit.
Nga të dhënat paraprake nga burime policore, bëhet me dije se Behar (Sofia) Seferi, 66 vjeç, është qëlluar me dy plumba dhe është dërguar në spital. Por, nuk ka mundur të mbijetojë.
Dyshohet se personi ka qenë shënjestër e atentatit dhe po lëvizte më këmbë, ndërsa autorët dyshohet se lëviznin me makinë dhe e kanë qëlluar me armë me silenciator.
Në foton e sjellë nga vendngjarja, duket personi që është qëlluar me armë me gjak në fytyrë dhe i shtrirë në trotuar. Behat Seferi është nga Lapardhaja e Beratit, por me banim në Tiranë, në zonën e Kombinatit.
“Rreth orës 09:00, në trotuar në afërsi të Piramadës është konstatuar nga sherbimet e Policisë shtetasi B. S., 66 vjeç, i shtrirë në tokë, dyshohet i plagosur me armë zjarri në rrethana ende të paqarta, i cili është transportuar menjëherë në spital për ndihmë mjeksore ku dhe ka humbur jetën si pasojë e plagëve të marra. Menjëherë në vendngjarje kanë shkuar forca të shumta policie, të cilat kanë rrethuar zonën, me qëllim kapjen e autorit. Janë ngritur pika kontrolli në të gjitha akset rrugore dhe vijon puna nga grupi hetimor, për sqarimin dhe dokumentimin e plotë të rrethanave të ngjarjes”, njoftoi policia.
Lexo edhe:
DETAJE/ Atentati në Tiranë – Nga tritolet te droga, e kaluar e biznesmenit që u ekzekutua
