Një aksident me vdekje ka ndodhur këtë të Enjte në autostradën Durrës-Tiranë.
Policia njoftoi se, në orën 14:55, tek mbikalimi i Fllakës, një mjet me drejtues shtetasin E.B., 52 vjeç, ka aksidentuar një këmbësor, i cili ka ndërruar jetë.
Viktima, rreth 60 vjeç, është ende i paidentifikuar.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit, shtuan të njëjtat burime.
