Pronari i televizionit lokal në Gjirokastrës “Alpo TV”, Aristotel Petro, ka mohuar ngacmimin seksual ndaj një gazetareje, pas publikimit të një videoje ku shihet se ai e prek në të pasme.
Video u publikua nga gazetari Telnis Skuqi. Ky i fundit foli sërish këtë të Mërkurë për rastin në një emisione televiziv.
“Një nga ish-koleget e mia më tregoi rrëfimin e saj por nuk e publikova se thashë nuk kam prova. Pasi një vajzë tjetër më tregoi dhe më pas më dërgoi videon vendosa ta publikoj. Nëna e vajzës në fillim nuk e besonte që është vajza e saj. Tani ajo është në komisariat duke dorëzuar videon e plotë dhe duke denoncuar personin. Videoja është më e gjatë, duken fytyrat shumë qartë, është rreth 34 sekonda“, tregon Telnis Kuqi për “Shqipëria live”.
Vetë Aristotel Petro pranon se është ai në video por kundërshton akuzat e gazetarit. “Në atë video jam unë. Telnisi për më shumë se 10 vite po tenton të bëjë akuza ndaj meje. Kemi qenë dy herë në gjyq, ky është i treti. Në fillim na ka paditur për një lajm që publikova dhe ma kishte sjellë një gazetare nga Gjirokastra. Ky është një kurth i ngritur nga unë në drejtim të Telnisit. Unë e kam kuptuar që në fillim që prania e asaj vajze ishte kurth. Isha para emisionit dhe i thashë hajde dil jashtë. Doja ta hiqja të vazhdoja punën. Varet çfarë po bisedonim, mund të më këtë rrëshqitur dora, ai nuk është ngacmim seksual“.
Lexo edhe:
VIDEO/ Gazetari publikon pamjet: Ja si pronari i televizionit kap nga të pasmet punonjësen!
