Një person në kërkim nga autoritetet italiane është vënë në pranga në Durrës.
Burime zyrtare nga policia njoftuan se arrestimi është bërë me qëllim ekstradimin drejt Italisë.
“Strukturat e Policisë Vendore Durrës, si rezultat i shkëmbimit të vazhdueshëm të informacioneve me ZQK Interpol Tirana, kanë bërë të mundur lokalizimin dhe arrestimin provizor të shtetasit Islam Kasa alias Mitralozi, 53 vjeç, banues në lagjen nr. 13, Plazh, Durrës”, njoftoi policia.
Ky shtetas ishte shpallur në kërkim ndërkombëtar nga Interpol Roma, pasi Gjykata e Apelit në Bolonja, me vendimin e datës 18.06.2019, e ka dënuar me 23 vjet, 1 muaj e 7 ditë burg, për veprën penale “Trafikim i drogave”, shtuan të njëjtat burime.
