Kamala Harris po jeton tashmë si fqinje me Joe Biden dhe nuk ka më nevojë për shtëpinë e saj në San Francisco. Për këtë arsye, zëvendëspresidentja e Shteteve të Bashkuara të Amerikës e shiti atë.
Shtëpia e saj u shit dy javë pasi doli në treg, njofton “Wall Street Journal”, duke shtuar se çmimi i saj shkoi 799 mijë dollarë.
Ndërkohë prestigjiozja “The News York Post” shkruan se Harris e ka blerë këtë shtëpi në vitin 2004 dhe ka kushtuar 489 mijë dollarë. Ndërkohë banesa në fjalë është ndërtuar në vitin 1998 dhe ka një dhomë gjumi, dy banja, një zyrë dhe një kuzhinë të madhe.
Shtëpia ka një sipërfaqe prej 1,069 metra katrorë dhe është e vendosur në katin e fundit të një ndërtese, shtëpia përshkruhet si një “strehë elegante” .
Nga ana tjetër, Harris, aktualisht ka një tjetër apartament në Washington DC dhe një shtëpi në zonën Brentwood të Los Angeles. Zëvendës-presidentja amerikane është duke banuar përkohësisht në “Shtëpinë e Blerit” përballë Shtëpisë së Bardhë.
