Autoritetet shëndetësore në Kosovë kanë regjistruar të Mërkurën 461 raste të reja me koronavirus, pas 3 138 testimeve.
Instituti Kombëtar i Shëndetësisë Publike ka njoftuar se në 24 orët e fundit janë regjistruar tre viktima me këtë virus.
“Rastet e vdekjes janë nga komunat: Fushë-Kosovë 1 rast (80 vjeç), Gjakovë 1 rast (85 vjeç), Pejë 1 rast (83 vjeç)”, thuhet në njoftim.
Sipas IKSHPK-së, nga COVID-19, të Mërkurën janë shëruar 319 persona, ndërsa raste aktive janë 6 968.
Prej 13 Marsit, kur janë regjistruar rastet e para me koronavirus në Kosovë, autoritetet shëndetësore kanë regjistruar 67 469 persona të infektuar me këtë virus.
Prej tyre, 1 582 pacientë kanë vdekur.
