Kampioni i golfit, Tiger Woods, i është nënshtruar një operacioni pas aksidentit me makinë që pësoi një ditë më parë. Sipas BBC kampioni tashmë është zgjuar dhe është i ndërgjegjshëm edhe pse ka dëmtime serioze në këmbë nga përplasja e djeshme në Los Angeles.
15 herë i kampioni i golfit është nxjerrë nga makina e tij e shkatërruar nga forcat zjarrfikëse dhe nga mjekët. Mjekët në një deklaratë kanë thënë se Woods kishe shume fraktura dhe thyerje të kockës, por operacioni ka shkuar me sukses.
Një nga dëshmitarët e aksidentit tha se Woods ishte “me fat që ishte gjallë“, pasi sipas tij përplasja e makinës ishte e fortë dhe e rrezikshme.
Ndërkohë që Sherifi i Qarkut LA Alex Villanueva tha se makina e Woods u përplas me trafikndarësen dhe makina ka përfunduar disa herë jashtë rrugës duke treguar se ishte me një shpejtësi më të madhe se normalja.
Po ashtu nga raportimet mësohet se makina është përplasur me një bordurë dhe me pemët në rrugë dhe u rrotullua disa herë.
