Një banesë është përfshirë nga flakët këtë të Hënë në Finiq dhe për pasojë një person ka humbur jetën.
“Rreth orës 08:40, në fshatin Krane, Finiq, ka rënë zjarr në banesën ku jetonte i vetëm shtetasi Th. Ç., 90 vjeç, i cili si pasojë e asfiksisë nga tymi ka ndërruar jetë”, njoftoi policia.
Nga hetimet paraprake dyshohet se zjarri ka rënë aksidentalisht, ndërsa grupi hetimor po kryen veprimet e mëtejshme për përcaktimin e shkakut të rënies së zjarrit, shtuan të njëjtat burime.
