Eusebio Di Francesco nuk është më trajneri i Cagliarit. Klubi sard, nëpërmjet një komunikate zyrtare, ka lajmëruar ndërprerjen e bashkëpunimit me trajnerin.
51-vjeçari mori drejtimin e ekipit ishullor gushtin e kaluar, teksa humbja 0-1 e ditës së premte kundër Torinos, ka qëlluar fatale për të.
Cagliari po kalon një moment të vështirë dhe renditet në vendin e tretë nga fundi, duke rrezikuar seriozisht qëndrimin në Serie A.
Drejtuesit e klubit italian rinovuan kontratën me Di Francescon më datë 24 janar, madje firma erdhi një ditë pas humbjes me Genoan.
Për fat të keq, situata në skuadër nuk u rregullua aspak pas zgjatjes së bashkëpunimit dhe trajneri nga Pescara ka nisur pushimet e parakohshme.
