Ankaraja ka akuzuar Athinën se po rrit tensionet ne Egje. Sipas mediave greke Greqia po kryen operacione me nëndetëse midis Kretës dhe Peloponezit. Ata kanë sjell në vëmendje dhe nisjen e kërkimeve të anijes Cesme, por e kanë quajtur atë të ligjshme.
“Cesme ka filluar punën e saj, të ligjshme dhe në përputhje me marrëveshjet ndërkombëtare në Egje! Ato nuk kanë të bëjnë me kërkime nënujore dhe nuk shkelin Protokollin e Bernës të vitit 1976! Greqia po rrit tensionet në Egje me ushtrime dhe operacione nëndetëse. Greqia kishte bërë kërkime të ngjashme midis Kios dhe Ikarisë në dhjetor 2000 me anijen e Marinës Greke Nautilus. Pas 25 janarit, Greqia ka kryer operacione nëndetëse midis Kretës dhe Peloponezit, pasi me një Navtex të ri më 18 shkurt, operacionet e nëndetëseve filluan në Kretën veriore me një datë të skadimit të panjohur,“-thuhet në reagimin e Turqise.
Po ashtu, ata kanë folur dhe për stërvitjet e Forcave të Armatosura Greke, pas datën 25 janar, duke e quajtur atë një provokim. Sipas tyre Greqia duhet të shmangë këto veprime dhe të përpiqet të zgjidh problemet përmes takimeve dhe dialogut.
“Greqia pas 25 janarit (data e eksplorimit) zhvilloi stërvitje në veri të Skyros (Keravnos-21) me pjesëmarrjen e 20 anijeve dhe forcave ajrore. Ai lëshoi ??NAVTEX për kërkime me nëndetëse midis 10-17 shkurt dhe kishte zona që përfshijnë ujërat territoriale të ishujve të tilla si Lemnos, Lesvos, Chios, Psara, Kastelorizo, Ikaria, Agios Efstratios dhe Samothrace të cilat duhet të jenë në regjimin e çmilitarizimit. Në praktikë dhe me kërkime reale që do të ndodhin midis 17 Mars dhe 17 Prill, u përfshinë ishujt Lemnos, Agios Efstratios, Lesvos, Kastellorizo, Samothrace dhe Chios, të cilat duhej të çmilitarizoheshin. Kjo tregon se Greqia po përpiqet të rrisë tensionin. Greqia duhet të shmangë veprimet dhe retorikën që rrit tensionin dhe të përpiqet të zgjidhë problemet përmes takimeve dhe dialogut të ndershëm,”- citohet më tej.
Tensionet mes dy vendeve kanë rinisur në fillim të muajit gusht, kur anija turke “Oruc Reis” nisi lundrimin në Egje, për të kryer kërkime. Pala greke kërkoi që Turqia të mos vazhdonte kerkimet dhe në krah i doli BE e Franca.
Në kuadër të marrëveshjeve mes autoriteteve Turqia tërhoqi anijen e saj, Oruc Reis, në shtator përpara përpjekjeve diplomatike për të zgjidhur mosmarrëveshjen. Ndërkohë në muajin tetor anija turke ka filluar sërish lundrimet në Egje.
Ky veprim ka rritur sërish tensionet ku Greqia ka akuzuar Tuqinë se ky është një provokim dhe në rast se nuk tërhiqen nuk ka vend për dialog. Por, anija 1 javë më parë është kthyer në port, duke shënuar kështu një tërheqje nga ana e Turqisë. Sakaq, pak ditë më parë Turqia ka lëshuar një Navatex, për të dërguar anijen e saj Cesme për lundrime në Egje, veprim ky që solli reagimin e Greqisë.
