Dy të rinj janë plagosur rëndë me thikë këtë të Shtunë në Skrapar.
Burime zyrtare nga policia lokale sqaruan se dy të rinj janë qëlluar me thikë nga një person i tretë. Të lënduarit janë transportuar në Tiranë për mjekim të specializuar.
“Rreth orës 12:20, shtetasi Xh.M, 33 vjeç, pas një konflikti të çastit ka goditur me mjet prerës (thikë) shtetasit E.M, 22 vjeç dhe shtetasin A.Ç, 20 vjeç. Shtetasit e dëmtuar janë nisur me ambulancë në drejtim të spitalit Tiranë për mjekim me të specializuar. Grupi hetimor po kryen veprimet, dhe po punohet për kapjen e autorit të ngjarjes”, njoftoi policia.
