KQZ prezantoi pajisjet dhe procesin që do të ndjekin qytetarët në zgjedhjet e 25 prillit. Të parët që e provuan votimin elektronik ishin zëvendës komisionerja Lealba Pelinku dhe komisioneri Ilirjan Celibashi. Përveç kartës së identitetit ata duhet të skanojnë dhe gishtin e madh të dorës së djathtë.
Komisioneri Celibashi u shpreh se me këtë risi është më e saktë dhe më e shpejtë. Një votues nuk do të mund të votojë në më shumë se në një qendër votimi. Teknikisht është e pamundur që një votues që nuk i përket asaj QV të votojë në të.
Pasi palët politikë nuk arritën të gjejnë një dakordësi për zonat e pilotimit të projektit, KQZ po shqyrton njësinë bashkiake nr 8 në Tiranë.
Në mes të marsit KQZ do të marrë në dorëzim të gjithë pajisjet.
