Tre makina janë djegur gjatë natës në Lushnje. Dyshimet janë se flakët janë përhapur nga një defekt teknik në një prej mjeteve.
“Sot rreth orës 03:15, në lagjen ‘Çlirimi’, në parkimin e jashtëm të një qëndre tregëtare, ka rënë zjarr në automjetin tip “Benz” në pronësi të shtetasit N. K., dyshohet si pasojë e një shkëndijë elektrike në automjet. Për pasojë janë djegur edhe automjetet tip ‘Audi’ dhe ‘Fiat’ të parkuar pranë automjetit tip ‘Benz’. Në vendngjarje kanë shkuar shërbimet e policisë dhe zjarrfikësja, dhe kanë bërë të mundur shuarjen e flakëve. Grupi hetimor po punon për zbardhjen e plotë të kësaj ngjarje”, njoftoi policia.
