Në tregun e këmbimit valutor vendas, të enjten monedhat e huaja vijuan për të dytën ditë radhazi, të forcojnë pozitat në raport me lekun.
Sipas kursit zyrtar të Bankës së Shqipërisë, monedha e gjelbër amerikane u forcua me 0,02 lekë dhe këmbehet me 102,44 lekë, ndërsa euroja fitoi terren lehtë me 0,01 lekë dhe këmbehet me 123,58 lekë.
Paundi britanik krahasuar me një ditë më parë, u ngjit në kuotën 142,63 lekë, duke shënuar dhe rritjen më fortë gjatë kësaj jave me 0,60 lekë.
Ndryshe nga valutat e tjera franga zvicerane, po vijon trendin e zbritjes. Sot monedha zvicerane këmbehet me 114,15 lekë, ose 0.31 lekë më pak se një ditë më parë.
