Policia në Indonezi ka filluar një hetim pasi një grua 25-vjeçare pretendon se ka ngelur shtatzënë nga një erë që kishte fryrë dhe jo nga marrëdhëniet seksuale. Pretendimi ishte edhe më i çuditshëm kur ajo tha se gjithçka ndodhi brenda një ore. Gruaja e Siti Zainah tregon se një ditë të mërkure kur po pushonte në dhomën e saj ngeli shtatzënë.
“Pas lutjeve të pasdites, isha shtrirë me fytyrë poshtë në dysheme kur papritmas ndjeva erën që më hyri në trup”, tha ajo për një media lokale.
Ajo pretendon se kishte një dhimbje në stomak 15 minuta pas incidentit dhe gunga në barkun e saj u rrit më shumë, ku më pas lindi një vajzë të shëndetshme.
“Pas kontrolleve, nëna dhe fëmija janë të shëndetshëm dhe lindja ishte normale. Gjinia e foshnjës është femër dhe peshon 2.9 kilogramë ”, tha mjeku që mori përsipër këtë rast.
Suleiman beson se incidenti ka të ngjarë të jetë një rast i shtatzënisë kriptike, ku nëna nuk është e vetëdijshme për shtatzëninë e saj deri në momentin që ajo lind. Sidoqoftë policia indoneziane bëri hetime dhe mori parasysh të gjitha mundësitë, përfshirë martesën e saj të mëparshme me ish-burrin që ishte ndarë disa muaj më parë.
Për më tepër, disa njerëz të tjerë mendojnë që Zainah e përdori këtë histori për të mbuluar një shtatzëni jashtëmartesore, një ngjarje e cila shkakton mjaft zemërim brenda komuniteteve më fetare të Indonezisë.
