Këngëtarja e famshme Demi Lovato ka zbuluar detaje tronditëse pas mbidozës në vitin 2018 në dokumentarin e ri të publikuar të mërkurën “Demi Lovato: Dancing with the Devil”. Asokohe, ylli i muzikës pop u dërgua në spital pasi u gjet pa ndjenja në shtëpinë e saj në Los Angeles.
“Kam pasur tre goditje. Kam pasur një sulm në zemër. Mjekët e mi thanë se kisha pesë deri në 10 minuta jetë më shumë.Më la me dëmtime në tru dhe sot ende i vuaj pasojat. Nuk mund t’i jap makinës sepse kam pika të verbra në shikimin tim. Gjithashtu për një kohë të gjatë, e kisha shumë të vështirë të lexoja.“, tha Lovato.
Lovato ka folur gjithmonë hapur në lidhje me luftën e saj me shëndetin mendor dhe varësinë gjatë gjithë karrierës së saj. Në një dokumentar të vitit 2017, ajo foli për shkallën e abuzimit me substancat gjatë viteve të adoleshencës dhe në 2018, Lovato publikoi një këngë të titulluar Sober, që fliste rreth kësaj teme.
