Aktorja e famshme Gwyneth Paltrow po lufton me pasojat që Covid-19 i ka lënë.
Aktorja në një artikull në faqen e saj ‘Goop’, shpjegoi se ajo kishte qënë e infektuar me Covid-19, por ende nuk është shëruar plotësisht prej saj. Ajo ende vuan nga lodhja e rëndë dhe nga fenomeni i quajtur ‘mjegulla e trurit’ .
Gwyneth tha se iu nënshtrua një serie testesh në janar për të kontrolluar shëndetin e saj.
“Testet zbuluan nivele shumë të larta të inflamacionit në trupin tim. Kështu që unë u drejtova tek një nga ekspertët kryesorë që njoh me këtë fushë, Dr. Will Cole. Pasi ai pa testet e mia, më shpjegoi se rasti i im është një nga rastet kur rruga për shërimin e plotë është më e gjatë se normalja”- tregoi aktorja.
