Stefanos Tsitsipas konfirmohet edhe një herë si një nga talentet më të mëdhenj të tenisit, teksa sot bëri një përmbysje historike ndaj Rafael Nadal në çerekfinalet e turneut Australian Open dhe siguroi një biletë për gjysmëfinalet.
E gjithë ndeshja u mbyll me shifrat 3-2. Nadal e nisi mirë sfidën dhe u duk se fitorja do shkonte lehtësisht për të, por Tsitsipas tregoi shpirt të madh gare dhe u rikthye heroikisht në garë.
Në dy setet e para Nadal dominoi totalisht, duke i fituar 6-3 dhe 6-2, por në të tretin Tsitsipas u kthye në lojë, duke përfituar edhe nga lodhja e spanjollit dhe freskia e tij.
I treti shkoi për grekun, që qe një set “maratonë” dhe u mbyll me shifrat 7-6. Në setin e katërt ishte sërish Tsitsipas, që triumfoi 6-4, këtë herë më lehtë, edhe pse iu deshën plot 56 minuta për ta mbyllur.
