Një 33-vjeçar shqiptar me origjinë nga Tepelena, është ekzekutuar me armë zjarri mbrëmjen e të Shtunës në Islandë.
Ngjarja ka ndodhur jashtë shtëpisë së tij në Reykjavík, raporton media lokale “Frettabladid”. Viktima është identifikuar si Armando Beqiri.
Një burrë rreth të dyzetave nga Lituania është arrestuar për ngjarjen dhe u paraqit para Gjykatës së Rrethit Reykjavík mbrëmjen e djeshme, 16 shkurt. Ai u mbajt në paraburgim dhe policia po heton shkakun e krimit. Kur i arrestuari u largua nga Gjykata, as avokati i tij dhe as policia nuk dhanë detaje për gazetarët.
Shtetasi shqiptar la një grua shtatzënë dhe një fëmijë të vogël. Familja e tij ndodhej brenda në shtëpi në kohën kur ai u qëllua, ndërsa fqinjët raportuan se nuk kishin dëgjuar asgjë të pazakontë.
Armando ishte larguar drejt Islandës në dhjetor 2014, ku u martua dhe pati një fëmijë. Momentalisht gruaja e tij është shtatzënë dhe po pret fëmijën e tyre të dytë. Beqiri ishte prorar i një biznesi në Gerarinn.
Armando u qëllua para shtëpisë së tij në shpinë, qafë dhe kokë. U dërgua menjëherë në spital, por nuk arriti t’i mbijetonte plagëve të marra.
