Saimir Kasemi i “Love Story-t” vendosi që të bënte një urim për të gjitha gratë kudo që ndodhen, me rastin e ditës së dashurisë, dhe shkroi në rrjete sociale: “Gëzuar ‘Shën Valentinin’ të gjitha grave në botë”.
Mirëpo, fakti që ai ka përmendur gratë ka revoltuar shumë persona, ndër të cilët edhe Ina Kollcaku, ish-konkurrente e “Për’puthen 1”.
“Ja dhe një injorant që mendon se ‘Shën Valentini’ është festa e grave. A’po merrem me anglishten e tij, po ia quaj lapsus”, shkroi fillimisht Kollcaku, e cila publikoi në Instastory-n e saj foton e Saimirit ku ishte shkruar edhe urimi i tij.
Ina nuk e la me kaq, sepse vazhdoi në një status tjetër: “Ose mund të mendojë që plasëm ne të gjitha për këtë dhe na e uroi! Jo o vllai! Është skenar tjetër ai. Seksist!”
Me këtë urim, Saimiri kishte përjashtuar burrat në këtë festë, prandaj Ina e ka quajtur “seksist”.
