Aulona Musta publikoi në “Instagram” pak ditë më parë foton e kopertinës së revistës “Global Woman”, në të cilën u shfaq totalisht nudo. Mirëpo, në rrjete sociale disa ndjekës nisën ta pyesnin se si e lejonte këtë bashkëshorti i saj.
E ftuar në “Ditë e re”, moderatorja tregoi se qëllimi i këtij seti ishte që të gjitha gratë ta duan trupin e tyre, të ndihen mirë dhe të kujdesen për të.
“Unë e dua shumë atë kopertinë, sepse pavarësisht gjërave që mund të thonë njerëzit, edhe pastaj secili ka interpretimet e veta, në fakt është bërë për një qëllim, është bërë me një mesazh aty brenda.
Dhe nuk është thjesht një foto. Ne kemi ca komplekse të kota, kemi ca kufizime që i bëjmë vetes tonë, të cilat na pengojnë të jetojmë të lumtur”,- tha ajo për mesazhet e shumta kritikuese që ka marrë në rrjete sociale
Në videon që publikoi nga realizimi i setit, vihej re se pjesë e tij ishte dhe bashkëshorti i saj. Prandaj, nisur nga kjo, moderatorja tregoi se si ai vendosi të bëhej pjesë dhe të pozonte përkrah partneres.
View this post on Instagram
“I pari me të cilin u këshillova ishte Tomi, me të cilin këshillohem për çdo gjë. Kisha frikë në fakt nëse ai do të pranonte të bëhej pjesë e setit. Këtë pjesën e kisha pak me dyshim, por e mirëkuptoj. Njerëzit vazhdojnë habiten me këtë pjesën, thonë: ‘Si ka mundësi? Si mund ta pranojë bashkëshorti?’
Ne kemi krijuar një marrëdhënie ku jemi të dy shumë mendjehapur dhe kjo është një gjë jashtëzakonisht shumë e rëndësishme për të dy ne, dhe prandaj një çift funksionon, sepse të ketë dy-tre gjëra që i mendojnë njësoj, të kenë të njëjtin vizion, të njëjtin botëkuptim për gjërat, kështu që ai ishte dakord.
Është mësuar tashmë dhe e kupton që është në funksion të diçkaje. Është procesi i punës, Puna ime prej një viti me dedikim të plotë, me kohë të plotë është e lidhur me trupin. Nëse unë nuk do të tregoj trupin dhe të ekspozoj trupin për të motivuar dhe ata njerëz që më ndjekin.
Fakti që unë jam me këtë partner domethënë që ne kuptohemi. Unë nuk do mund të isha dot me dikë që do më ndrydhte. Sepse unë kam qenë gjithmonë kështu, nuk ka qenë gjithmonë fushë me lule, sepse na është dashur të bëjmë kompromise, të kuptojmë njëri-tjetrin, të lëshojmë në një vend dhe të shtrëngojmë në një vend tjetër. Ka ulje-ngritje”,- rrëfeu Aulona.
