Instituti Kombëtar i Shëndetësisë Publike të Kosovës njoftoi të Hënën se në 24 orët e fundit ka konfirmuar 178 raste të reja me koronavirus dhe një viktimë.
Rastet e reja rezultojnë nga 2,040 testime.
Sipas IKSHPK-së, viktima është regjistruar në Komunën e Prishtinës.
Me këto shifra, numri i përgjithshëm i të infektuarve me koronavirus në Kosovë arrin në 64,519, ndërsa i viktimave në 1,545.
Në total janë shëruar 56,028 pacientë – 267 prej tyre në 24 orët e fundit.
Raste aktive në Kosovë aktualisht janë 6,946.
