Mesfushori i talentuar shqiptar, Anis Mehmeti, ka gjetur rrugën e rrjetës në Angli me skuadrën e Wycombe, në Championship.
Talenti 20-vjeçar ka shënuar në përmbysjen e skuadrës së tij ndaj Hadersfilldit, ku fillimisht ndodheshin në një disavantazh të dyfishtë.
Hadersfilldi shënoi dy herë me Bakuma në minutën e 18’ dhe Mbenza në minutën e 41’. Megjithatë ishte Mehmeti që i hapi rrugën përmbysjes së Wycombe. Shqiptari shënoi golin e parë për skuadrën e tij në minutën e 47’, teksa futet bukur në zonë dhe lëshon një gjuajtje të fortë me të majtën, e cila përfundoi në rrjetë.
Jakobson në minutën e 63’ dhe Knajt në minutën e 87’, përmbysën rezultatin, duke i dhënë Wycombe fitoren.
Ky është goli i dytë për Mehmetin këtë sezon, pas atij të shënuar në barazimi 1-1 ndaj QPR në dhjetor të vitit të kaluar.
View this post on Instagram
