Juventus luan të mërkurën në transfertë ndaj Portos, ndeshje e vlefshme për fazën e 1/16-ve të Champions League.
Në prag të kësaj sfide, sulmuesi anësor i Juventusit, Juan Cuadrado, me shumë mundësi do ta humbasë duelin kundër skuadrës portugeze. Kolumbiani pësoi një dëmtim në ndeshjen e djeshme me Napolin, ku dhe u zëvendësua në pushimin e pjesës së parë nga Alex Sandro.
Sipas raportimit të “Goal.com”, ish-lojtari i Chelseas i është nënshtruar ditën e sotme testeve mjekësore dhe pritet të mungojë në dy sfidat e ardhshme të bardhezinjve, ato me Porton dhe Crotonen.
Ndërkohë, mungesa të tjera për trajnerin Pirlo në takimin e Championsit priten të jenë edhe Arthur, Paulo Dybala dhe Aaron Ramsey. Lajm i mirë për “Zonjën e Vjetër” është se kundër portugezëve mund të luajë nga minuta e parë Leonardo Bonucci, i cili pushoi në ndeshjet kundër Interit e Napolit.
