Pak minuta më parë u raportua për një shpërthim në Lezhë i cili nuk dihej nga kishte ardhur, duke krijuar panik tek qytetarët, pasi ishte i ngjashëm me shpërthimin e dy javëve më parë i cili mbeti mister.
Por këtë herë policia ka zbuluar se nga ka ardhur shpërthimi. Sipas policisë shpërthimi ka ardhur si pasojë e një lënde plasëse e vendosur në një lokal më Lezhë.
Informacion paraprak
Më datë 13.02.2021, rreth orës 21:45, në vendin e quajtur “Rruga e Kallmetit” Lezhë, në lokalin e marrë me qera nga shtetasi V.Sh.,banues në fshatin Mërqi,Lezhë, ka shpërthyer një sasi e vogël e dyshuar lëndë plasëse, e cila ka shkaktuar vetëm dëme materiale.
Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit.
