Universiteti i Mjekësisë ka marrë vendimin për provimet online dhe në auditor. Sezoni do të zgjatet 45 ditë. Studentet nuk do të penalizohen për shkak të mungesave.
Për studentët që nuk marrin dot pjesë në këtë sezon provimesh do të ketë një mundësi të dytë, në një sezon të ndërmjetëm në varësi të situatës nga pandemia.
Komiteti i Ekspertëve pak ditë më parë vendosi që sezoni i provimeve për universitetin do të zgjatet, për të siguruar kombinimin e provimeve online dhe në auditor, për lëndët që kërkojnë prezencë, sipas vlerësimit të MASR, duke zbatuar rreptësisht protokollet anti COVID.
