Ish-deputeti demokrat, Genc Pollo ka përshëndetur veprimet e fundit të SPAK për vënien para drejtësisë të gjyqtarëve të korruptuar, ndërsa thekson se sfida reale do të jenë peshqit e mëdhenj dhe të padënuar deri më sot.
‘Sfida reale e SPAKut nuk do të ishin peshqit e vegjël qofshin edhe piranja. Në favor të interesit publik duhet me ndershmëri të kujtojmë se kazuset me peshkaqenë do të dëshmonin pavarësinë dhe efektivitetin e tij. Fatkeqsisht deri sot janë në këto raste janë regjistruar dështime: Tahiri&kanabistët, Dosjet e votëblerësve Dibër e Shijak, Unaza e Re, Inceneratorët e të tjera si këto’, shkruan Pollo në Facebook.
Sipas tij vetëm kur SPAK-u të ndërmarrë operacione rrufe si dje në Krujë edhe për dosjet e e politikanëve do të meritojë e do të ketë besimin e plotë të opinionit publik.
Postimi i plotë i Pollos:
Veprimet e SPAKut kundër gjyqtarëve e të tjerëve që nxirrnin tak fak kriminelët nga burgu duhen përshëndetur e të dyshuarit duhet të përballen me drejtësinë.
Por sfida reale e SPAKut nuk do të ishin peshqit e vegjël qofshin edhe piranja. Në favor të interesit publik duhet me ndershmëri të kujtojmë se kazuset me peshkaqenë do të dëshmonin pavarësinë dhe efektivitetin e tij. Fatkeqsisht deri sot janë në këto raste janë regjistruar dështime: Tahiri&kanabistët, Dosjet e votëblerësve Dibër e Shijak, Unaza e Re, Inceneratorët e të tjera si këto.
Kur SPAKu të ndërmarrë operacione rrufe si dje në Krujë edhe për dosjet e mësipërme do të meritojë e do të ketë besimin e plotë të opinionit publik.
