Dy herë kampioni i Formula 1, Fernando Alonso është përplasur nga një makinë në Zvicër, ndërkohë që po i jepte biçikletës.
Lajmi është konfirmuar nga skuadra Alpine, me të cilën piloti veteran spanjoll do të garojë këtë vit në Formula 1.
Mediat spanjolle raportojnë se Alonso ndodhet i shtruar në spital, duke mos shtuar detaje të tjera për gjendjen e tij shëndetësore.
Sipas gazetës spanjolle “AS”, Alonso ka pësuar një goditje në kokë dhe ka dëmtuar nofullën dhe dhëmbët.
Nuk dihet nëse kampioni i Formula 1, Fernando Alonso rrezikon pjesëmarrjen në garën e parë të Botërorit të Formula 1, që do të zhvillohet në 28 mars.
