Policia e Tiranës ka reaguar pas publikimit të një video në rrjetet sociale, që ishin të përfshirë në një konflikt disa të rinj ku më pas u tha se ishte një sherr mes reperëve Finem dhe Don Xhoni. Ky lajm u përgënjeshtrua më pas nga Don Xhoni.
Pas reagimit të Don Xhonit, i cili hodhi poshtë aludimet, ka reaguar edhe reperi tjetër, Finem, i cili duket se nuk i ka pëlqyer aspak mënyra se si Don Xhoni e menaxhoi situatën.
“Unë nuk e dija atë video për vete, sa rrahim ne përditë… Do mbajmë mend ne sa rrahim… Mund të më dërgosh një mesazh, si ta zgjidhim këtë që na ra, se as unë nuk kam faj këtu, por jo të tregosh më shumë detaje, se po qe puna për detaje… lajmi është fake, po pse duhet të vazhdojmë të nxjerrim gjërat më gjatë? Do të tregosh që ke njerëz? Ndoshta ti je gangster, po çoje një fjalë të mirë, jo do dalim tani të tregojmë njerëzit, nejse…”- u shpreh Finemi.
Polica thotë se video është publikuar më datën 13.10 2020 dhe nga verifikime nuk ka rezultuar se këta shtetas të jenë konfiktuar më datën 09.02.2021 ku dhe video u publikua në median online.
Njoftimi i policisë:
Në lidhje me një video të publikuar në rrjetet sociale më datë 09. 02.2021, për një konflikt midis dy shtetasve, pas verifikimeve të kryera nga punonjësit e Policisë të Komisariatit Nr. 4 ka rezultuar se këta shtetas nuk janë konfliktuar me njëri-tjetrin më datë 09.02.2021. Në vijim të veprimeve ka rezultuar se videoja e publikuar i përket datës 13.10.2020 dhe se pjesëmarrës në konflikt kanë qenë shtetasit D. S., M. P. dhe M. D., të cilët janë identifikuar nga pamjet filmike dhe janë proceduar penalisht në gjendje të lirë.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
View this post on Instagram
