Disa takime elektorale në shkelje të masave anti-covid janë monitoruar nga policia. Një ditë më parë ndodhi edhe një përplasje verbale mes policisë dhe drejtueses së LSI Monika Kryemadhi.
Ndërsa sot policia ka njoftuar gjobitjen me 5 milionë lekë të ish-deputetit të LSI Endrit Braimllari për organizimin e një takimi në Maliq ku sipas policisë janë shkelur masat anti-Covid. Policia njofton se njëkohësisht është ndëshkuar me masë administrative 1.000.000 lekë edhe administratorja e lokalit e cila lejoi zhvillimin e këtij aktiviteti në ambientin e pronës së saj.
Eshtë gjobitur po ashtu me 5 milionë lekë edhe organizatori i një takimi me Presidentin Ilir Meta në Durrës. Ai është Avdulla Deliallisi, drejtues i shoqatës ”Durrësi autokton”. Pasditen e kaluar në sallën e teatrit ”Aleksandër Moisiu” të qytetit u zhvillua një ceremoni gjatë se cilës u nderua nga Presidenti i Republikës me titullin ”Nderi i kombit” pas vdekjes arkeologu Vangjel Toci.
Në Divjakë, dy lokale morrë n nga 1 milionë lekë gjobë, sepse ishin organizuar në ambientet e tyre mitingje politike nga Partia Demokratike.
Deri më tani, nuk ka asnjë gjobë për aktivitetet e Partisë Socialiste edhe pse në media janë raportua disa raste kur zyrtarët e kësaj partie kanë shkelur masat anti-Covid me takimet e tyre elektorale.
