Bota e showbiz-it është tronditur nga lajmi i vdekjes së modeles 25-vjeçare, Kasia Lenhardt. Kjo e fundit kishte vetëm pak ditë që ishte ndarë nga futbollisti i famshëm, Boateng. Mediat e huaja shkruajnë se e reja është gjetur pa shenja jete në banesën e saj.
Lidhur me këtë lajm të trishtë ka reaguar edhe këngëtari i njohur shqiptar, Ardian Bujupi. Ai ka postuar një foto në profilin e tij në “Instagram” ku shfaqet së bashku me Kasia.
Në këtë postim, Bujupi shkruan se modelja do ishte pjesë e videoklipit të tij të ri. Ai shkruan ndër të tjera se 25-vjeçarja ishte një njeri plot energji dhe me vetëbesim. Gjithashtu në këtë postim, Bujupi bën thirrje se njerëzit duhet që të ndalojnë së bullizuari. Ai shtoi se vdekja e Kasias “duhet të jetë një mësim”.
“Nuk mund ta besoj dhe ende s’mund ta pranoj! Kasia ka vrarë veten. Dhe kohët e fundit kemi folur pothuajse çdo ditë për videoklipin e ri që dëshironim të xhironim së bashku. Ajo ishte plot energji dhe besim. Përveç asaj që ndodhi, a i keni shqetësuar njerëzit që ju gjykojnë në këtë shoqëri bullizuese. Diçka duhet të ndryshojë! Ne duhet të ndryshojmë, le të jetë vdekja e saj një mësim si me Princeshën Dianën!!! U prehsh në paqe o engjëll”, shkroi Ardian Bujupi.
View this post on Instagram
Ardian Bujupi ka postuar edhe një foto tjetër në “Instastory”, ku zbulon bisedën e fundit që ka bërë me modelen në “WhatsApp”. Në atë bisedë, këngëtari i kërkonte asaj të kishte kujdes pasi njerëzit shajnë shumë, kurse modelja po i thoshte se nuk ka problem me askënd.
