Policia e Lushnjes arreston një 44-vjeçar, i cili ka tentuar të përdhunojë një 20-vjeçare.
Ngjarja e rëndë ka ndodhur në fshatin Zhamë-Sektor.
I arrestuari është shtetasi Besim Hysllari.
“Specialistët për Hetimin e Krimeve në Komisariatin e Policisë Lushnjë, arrestuan shtetasin B. H., 44 vjeç, banues në fshatin Zhamë-Sektor, Lushnjë, pasi dyshohet se ka hyrë në banesën e një shtetaseje 20-vjeçare dhe ka tentuar të kryejë marrëdhënie seksuale me dhunë me të“, shkruan Policia në njoftimin e saj.
Më 31 janar, një tjetër ngjarje e rëndë ndodhi në rrethin e Lushnjes ku një 36-vjeçar dyshohet përdhunoi gjyshen e tij 89-vjeçare.
Ngjarja u regjistrua në fshatin Grabjan. Saimir Meçani u arrestua menjëherë nga policia, ndërsa tani po vijon përballjen me gjykatën.
