Deputeti Lefter Maliqi vijon takimet me qytetarë në qarkun e Beratit.
Sipas asaj që shkruan vetë Maliqi, takimet nuk bëhen nën kostumin e politikanit por si bashkëqytetar i tyre.
Edhe pse nuk është vendosur ende se me cilën sigël do të garojë në zgjedhjet parlametare, Maliqi shprehet i bindur në një fitore spektakolare më 25 prill.
“Përgjegjësia ime i kalon kufijtë kur i dëgjoj të më thonë: Kudo të pozicionohesh, ne jemi me ty, sepse i besojmë njeriut dhe jo ngjyrës së partisë”, shkruan deputeti.
Postimi i plotë i Lefter Maliqit:
Të dashur miq!
Kënaqësi të rikthehem në vendlindje dhe të takohem me të gjithë qytetarët e qarkut Berat, një e nga një, ti flas e të fitoj shpresën në sytë e tyre.
Nuk i takoj si politikan që i kërkon votën, por si bashkëqytetar i tyre që i jep garanci për ditë më të mira.
Takime intensive më të rinj e të reja, me gra e burra, me gjyshër, për të shkuar drejt fitores spektakolare ne qarkun Berat, por jo vetëm.
Fillimi i mbarë, gjysma e punës.
Përgjegjësia ime i kalon kufijtë kur i dëgjoj të më thonë: Kudo të pozicionohesh, ne jemi me ty, sepse i besojmë njeriut dhe jo ngjyrës së partisë.
Misioni i lënë pergjysëm vazhdon, s’ka kthim pas, tani më shumë se kurrë të motivuar drejt fitores së përbashkët.
