Laçi ka fituar gjyqin në FIFA ndaj skuadrës azere, Gabala, për transferimin e James Adeniyi. Sulmuesi ishte pjesë e Laçit në periudhën janar 2014-janar 2016 dhe më pas u shit te Skënderbeu. Pas aventurës së tij në Korçë, Adeniyi firmosi në Azerbajxhan pikërisht me Gabalan.
Azerët duhet të paguanin te bardhezinjtë kontributin e solidaritetit pasi e blenë sulmuesin nga Skënderbeu. Pas këtij transferimi, Laçi i dërgoi një emali klubit azer. Asnjë përgjigje dhe më pas çështja shkoi në FIFA dhe kurbinasit e fituan çështjen dhe Gabala duhet të paguajë rreth 2300 euro.
Një shifër normalisht modeste, por që mund t’i bllokojë merkaton klubit azer nëse nuk e paguan brenda 45 ditëve.
