Shqipëria është vendi me pagën minimale më të ulët në Europë, treguan të dhënat e fundit të përpunuara nga Eurostat. Instituti Europuan i Statistikave kujton se, paga minimale e Shqipërisë është 242,52 € (konvertuar nga Lekë në Euro).
Të dhënat treguan se pagat minimale janë dukshëm më të ulëta në katër shtetet e Ballkanit Perëndimor (Shqipëri, Mal i Zi, Maqedoni e Veriut dhe Serbi) sesa në shumicën e vendeve anëtare të BE.
Ekzistojnë gjithashtu ndryshime të konsiderueshme brenda BE-së, ku ato varionin nga 332 € në muaj në Bullgari, në 2’202 € në muaj në Luksemburg.
Të gjithë vendet më të reja anëtare të BE nga Europa Qendrore dhe Juglindore kishin paga minimale relativisht të ulëta deri në 700 €, përveç shtetit më të pasur të rajonit, Sllovenisë.
Sidoqoftë, të dhënat zbuluan një proces në rritje të shpejtë të pagës minimale te anëtarët lindorë të BE-së; shkalla mesatare vjetore e ndryshimit të pagës minimale midis janarit 2011 dhe janarit 2021 ishte më e larta në Rumani (+11,3%), e ndjekur nga Lituania (+10,7%) dhe Bullgaria (+10,4%), me rritje të forta të regjistruara edhe në Estoni (+7.7%), Sllovaki (+7.0%) dhe Çeki (+6.1%).
Shqipëria, ndërkohë, mbetet vendi evropian me pagën më të ulët minimale.
