Këngëtarja e famshme Eleni Foureira ka bërë një rrëfim të rrallë për largimin e saj nga Shqipëria. Në një intervistë, ajo është shprehur se u detyra të largohej drejt Greqisë në moshë të vogël për shkak të luftës civile në Shqipëri.
“Erdha në Greqi për shkak të luftës civile në Shqipëri. Isha rreth 8-9 vjeç. Nga fëmijëra mbaj mend vetëm kujtimet e bukura, ndërsa jam munduar të fshij momentet e këqija, si lufta civile.
Babai im në atë kohë punonte në Greqi për të fituar para. Ai na dërgoi në taksi për të na sjellë në Greqi dhe atë ditë nuk e kam harruar kurrë. Në Shqipëri nëna ime ishte vetëm me 4 fëmijë të mitur. Nëa ime mbante një armë gjahu në shtëpi dhe mbasditeve qëllonte në ajër për të treguar se kishte armë që ne të mos rrezikoheshim. Ishte një heroinë. Kur mami më tha që do largoheshim nuk doja, ishte e vështirë për mua. Ditën kur dola nga shtëpia fillova të qaja,”- tregoi Eleni Foureira.
Ajo tha se ndihet krenare që ka lindur në Shqipëri, “por Greqia është vendi që do”.
“Fëmijët më bullizonin, në shkollë ishim vetëm dy fëmijë nga Shqipëria dhe në atë periudhë shqiptarët nuk pranoheshin nga shoqëria. Jam krenare që kam lindur në Shqipëri, por Greqia është atdheu im, e dua. Është vendi që dua,”– tha këngëtarja.
Eleni Foureira shpjegoi pse fshehu origjinë e saj për disa vite.
“Kur je një fëmijë që nuk pranohesh nga shoqëria për shkak të origjinës, ndihesh e dobët dhe ke frikë se nuk do të jepet mundësia. Emri im i vërtetë është Entela Foureira. Arrita në pikën ku kisha frikë të thosha nga isha për t’u pranuar. Jo të gjithë më duan, por unë se kam problem. Ata që më kuptojnë më duan”- përfundoi ajo.
