Këngëtarja Mary Wilson, që bashkëthemeloi grupin muzikor “The Supremes”, ka vdekur në moshën 76-vjeçare. Ajo ndërroi jetë në shtëpinë e saj në Henderson, Nevada, njoftoi publicisti i këngëtare, Jay Schwartz, por nuk zbuloi shkakun e vdekjes.
Ceremonia e varrimit e këngëtares do të jetë private për shkak të kufizimeve nga Covid-19, njoftoi familja e saj.
“The Supremes” ishin të njohura për hitet “Baby Love” dhe “You Can’t Hurry Love”. Grupi u themelua në Detroit si “Primettes” në vitin 1959, kur Wilson ishte 15 vjeçe.
Wilson ishte anëtare e grupit së bashku me Diana Ross, Florence Ballard dhe Barbara Martin. Por Martin u largua nga “The Supremes” para se të bëheshin të suksesshëm dhe grupi vazhdoi si një treshe.
Grupi u shpërnda pas largimit të Wilson në vitin 1977. Vetëm dy ditë para se të ndërronte jetë, këngëtarja publikoi një video në YouTube ku njoftoi se po punonte për disa materiale të tjera solo.
