Një ngjarje e rëndë ka ndodhur në fshatin Bajzë, Malësi e Madhe.
Një grua që dyshohet se është rrahur e dhunuar, është gjetur e vdekur në banesë nga familjarët e saj. Bëhet fjalë për 47-vjeçaren me inicialet V.G.
Trupi i pajetë i 47-vjeçares është dërguar në morgun e spitalit, për ekspertizë më të specializuar. Sakaq, grupi hetimor ndodhet në vendngjarje dhe po punon për zbardhjen e plotë të rrethanave.
Njoftimi i Policisë:
Policia e Malësisë së Madhe/ Informacion paraprak
Në fshatin Bajzë të Malësisë së Madhe, në banesë, është gjetur nga familjarët, pa shenja jete, shtetasja V. G. 47 vjeçe. Në vendngjarje ka shkuar grupi hetimor dhe nga këqyrja paraprake dyshohet se ndaj shtetases V. G. mund të jetë ushtruar dhunë dhe për pasojë ajo ka humbur jetën.
Trupi është dërguar në morgun e spitalit, për ekspertizë më të specializuar, me qëllim përcaktimin e shkakut të humbjes së jetës. Nën drejtimin e Prokurorisë vijon puna për zbardhjen e plotë të rrethanave të ngjarjes.
