Sergio Ramos duhet të operohet. Problemet në gjurin e majtë, që u shfaqën në fillim të janarit, vazhdojnë dhe lojtari ka vendosur t’i nënshtrohet një operacioni të vogël për të pastruar meniskun e tij.
Operacioni është planifikuar për orët e ardhshme dhe do ta detyrojë kapitenin e bardhë të ndalet për 6 javë. Ramos me siguri do të humbasë Atalanta-Real Madrid, ndeshjen e parë të 1/8 finale të Ligës së Kampionëve, planifikuar më 24 shkurt.
Po kështu, do t’i duhet gjysmë mrekullie që ai të marrë pjesë në ndeshjen e kthimit, të planifikuar në “Valdebebas” më 16 mars. Ramos ka qenë jashtë fushe që nga 14 janari, kur u detyrua të dilte nga loja në gjysmëfinalen e Superkupës Spanjolle, të humbur përballë Athletic Bilbao. Pa “Gran Capitán”, skuadra e Zidane vuan shumë, veçanërisht në Europë.
