Modelja shqiptare Angela Martini është shumë aktive në rrjetet sociale. Bukuroshja ndan me ndjekësit çdo ditë foto nga përditshmëria e saj dhe numëron me mijëra klikime në të gjitha postimet që bën.
Së fundmi ajo ka bërë një bashkëbisedim me ndjekësit e saj ku u ka dhënë mundësinë që t’i tregojnë asaj sekretet e tyre. “Më tregoni një sekret”, kishte shkruar ajo, teksa një prej fansave shqiptarë kishte ndarë me të faktin se është homoseksual.
“Jam homoseksual, je njeriu i parë që po të tregoj, ndjenjë e çuditshme por e parealizueshme në Shqipëri”– i ka shkruar fansi Angelës.
Ndërkohë që me një përgjigje motivuese, modelja ia ka kthyer: “Nuk ka asgjë të keqe të jesh homoseksual. Është diçka e bukur, dashuria është dashuri e duhet të jesh krenar”.
