Një grup banorësh të rrugës “Ndre Mjeda” kanë shkuar mëngjesin e sotëm para bashkisë Tiranë.
Ata kërkojnë një takim me kryetarin Veliaj për problemin e tyre me pallatin në ndërtim.
Banorët shprehen se kanë bërë takime me drejtorin e përgjithshëm të çështjeve juridike në bashkisë, por fakti që nuk është zgjidhur çështja ka bërë që të jenë sërish para bashkisë.
“Ne duam të vëmë në dijeni kryetarin që kemi ardhur. Ne duam ta takojmë. Kemi lënë takim për problemin e pallatit. Deri më tani nuk kemi marrë asnjë konfirmim. Kemi bërë takime me drejtorin e përgjithshëm të çështjeve juridike në bashkisë, por fakti që nuk është zgjidhur na ka bërë që të jemi sërish këtu”, u shprej një prej tyre.
Ndërkohë, ditën e djeshme një grup tjetër banorët nga lagjja “5 maji” kërkua të takohen me nënkryetarin e bashkisë, Arbjan Mazniku për vlerësimin e banesave të tyre, por ky i fundit nuk bëri me dije se nuk do të jetë i pranishëm në takim.
