Laçi kthehet në mace të zezë për Vllazninë dhe i merr një tjetër fitore ashtu si bëri 8 javë më parë, kur e mundi 1-0 brenda fushe.
Sonte, në “Loro Boriçi”, skuadra kryesuese e kampionatit, bie sërish ndaj kurbinasve, që fitojnë një ndeshje tepër të rëndësishme dhe japin sinjal të madh.
Protagonist absolut Nwabueze, me një gol dhe asist. Në pjesën e dytë brenda 13 minutash ndodh gjithçka. Fillimisht një gabim në mbrojtje nga Vllaznia i jep mundësi Laçit të kalojë në avantazh me amerikanin.
Por, Imeri kthen barazpeshën menjëherë. Por, Laçi dyfishon me Harmon të sapofutur, me asist të Nëabueze.
Më pas është Sherri që bën një gafë që mund të kushtonte dhe detyron Obanor të marrë të kuq për të ndalur lojtarin e Vllaznisë. Bardhezinjtë mbrohen mirë deri në fund dhe marrin 3 pikët.
Me këtë rezultat, Partizani ka mundësinë të shkurtojë diferencat me Vllazninë në 6 pikë në rast fitoreje nesër kundër Bylisit.
