Mbrojtësi Roberto Dominguez, e dinte se aventura e tij me fanellën e Partizanit, nuk do të ishte e thjeshtë. Për të bërë të mundur transferimin në Superiore, ai do të hiqte dorë për një periudhë kohe edhe nga kombëtarja e tij.
Mbrojtësi ka udhëtuar drejt Shqipërisë për t’iu bashkuar të kuqve, i ndërgjegjshëm që kjo zgjedhje do ta linte larg kombëtares. Këtë gjë e ka konfirmuar dhe trajneri i El Salvador, Karlos de los Kobos:
“Nuk do të jetë e thjeshtë për të që të largohet nga vendi dhe të kthehet me shumë lehtësi. Ai ka qenë i rëndësishëm në këtë proces dhe është futbollisti më i ri në moshë i kombëtares. Por ka treguar maturi në fushën e lojës dhe mungesa e tij mund të ndikojë tepër”.
