Edon Hasani ishte një nga afrimet e fundit të Partizanit në merkaton e dimrit. Mesfushori shkodran ende nuk është bashkuar me skuadrën pasi është në periudhë riaftësimi pas një dëmtimi që e ka mbajtur plot 6 muaj jashtë fushës së blertë. 29-vjeçari ka nisur prej kohësh punën, fillimisht në palestër e më pas me përgatitjet me top.
Sot, ai ka postuar një video në rrjetet sociale ku shfaqet duke u stërvitur në një palestër në kryeqytet. Fantazisti duket se ka pasur progres sa i përket formës fizike.
Vetë ai ka deklaruar se për 1 muaj pret të jetë në “top formë”, gati për të dhënë kontributin e tij për Partizanin duke u vënë nën urdhrat e trajnerit Ilir Daja.
