Gjykata e Posaçme kundër Krimit të Organizuar dhe Korrupsionit ka dhënë sot dënimet për të akuzuarit për dosjen (një fraksion i 339) e tjetërsimit të pronave në Lezhë.
11 të akuzuar kanë qenë përpara gjykatës për këtë dosje mes të cilëve vëllai dhe motra e ish-deputetit Arben Ndoka, Xhevi dhe Mimoza Ndoka. Xhevi Ndoka u dënua me 6.8 vite burg, ndërsa Mimoza Ndoka 1.4 vite me kusht, raporton abcnews.
Dënimet
Xhevi Ndoka 6.8 vite burg
Mimoza Ndoka 1.4 vite me kusht
Emanuel Gjura 4.8 vite
Zef Lazri 8 muaj
Blendi Ndoka 3.6 vite
Luigj Paloka 4.8 vite me kusht
Paulin Simoni 3.4 vite
Vlash Gaxulli 2 vite me kusht
Genc Zeneli 2 vite me kusht
Kol Lleshi 2 vite me kusht
Marjeta Perskura 1.4 vite me kusht
Po me ish-deputetin çfarë ndodhi?
Gjykata e Lezhës në datë 23 nëntor i hoqi masën e “arrestit të shtëpisë” ish deputetit të PS, Arben Ndoka. Vendimi erdhi ndërkohë që më herët procesi ndaj tij lidhur me akuzat për tjetërsimin e pronave u veçua dhe u dërgua nga Gjykata e Posaçme në Lezhë.
Arben Ndoka sipas gjykatës së Lezhës do hetohet me masë sigurie “detyrim paraqitje”. Ndërkohë në Gjykatën e Posaçme vazhdoi me pjesën tjetër të grupit mes tyre me vëllanë dhe motrën duke i dënuar sot. Vëllai i ish-deputetit u dënua edhe pak ditë më parë për dosjen e heroinës në Has.
Arben Ndoka dhe 12 persona të tjerë u akuzuan për tjetërsim pronash në Lezhë. Hetimi ndaj tyre nisi në vitin 2016 si pjesë e dosjes së famshme “339”, ku Ndokajt dolën në përgjime me Avdylajt e Shijakut për trafik droge. Aty prokuroria konstatoi edhe veprën penale të tjetërsimit të pronave tek “Rana e Hedhun” në Lezhë.
