Reshjet janë ndërprerë në Shkodër, por sipërfaqja e tokës nën ujë është shtuar. Autoritetet lokale njoftojnë në raportin e fundit për mbi 3785 ha të përmbytura. Gjendja është më e rënduar në Dajç ku uji arrin deri në 150 centimetra në rrugë, duke bllokuar lëvizjen e banorëve.
Edhe në rrugën e Obotit ka prezencë uji dhe qarkullimi bëhet vetëm me mjete të larta. Më shumë se 100 shtëpi janë të rrethuara nga uji, por nuk ka banesa të përmbytura.
Probleme në zonë ka edhe me furnizimin me energji elektrike.
