Hailey Bieber vendosi të flasë hapur për ndikimin e komenteve negative për të në rrjete sociale, gjë që i ka ndikuar edhe në shëndetin mendor.
Modelja 24-vjeçare thotë se ka nisur një terapi për të kapërcyer bullizmin që i është bërë në internet, shkruan “Mirror”.Ajo është rritur duke qenë në qendër të vëmendjes, pasi është vajza e aktorit, Stephen Baldwin dhe dizajneres grafike, Kennya Deodato Baldwin.
Duke folur për “Woman’s Health UK”, modelja tregoi arsyen pse vendosi të shkojë tek një terapist.
“Mënyra se si jam përballur me energjinë negative… Kam folur shumë me një terapist. Unë po ashtu jam e martuar me dikë që ka përjetuar të tilla emocione, në ekstremitet, në nivelin më të lartë të mundshëm,”- tha Hailey duke treguar kështu se e gjithë kjo situatë e ka afruar edhe më shumë me Justin Bieber, bashkëshortin e saj.
Më tej ajo shpjegoi se duke qenë një person perfeksionist, nuk do që njerëzit ta urrejnë ose të mërziten me të. Prandaj, për një periudhë të gjatë ka bërë shpjegime dhe sqarime, të cilat aktualisht mendon se nuk kishte pse t’i bënte, për aq kohë sa nuk i detyrohet askujt, asgjë.
