Dani Alves i ka thumbuar tifozët e Real Madridit, në dritën e “armiqësisë” së tyre ndaj ngjyrave blaugrana.
Mbrojtësi brazilianin, më i titulluari në historinë e futbollit, do të shprehej:
“Tifozët e Real Madridit të urrejnë vetëm kur je duke luajtur për Barçën. Sapo largohesh nga Blaugrana-t, fillojnë të të respektojnë, sidomos nëse je duke ecur shumë mirë në klubin tënd të ri, vetëm për t’u tallur me Barcelonën. Tani e pyes veten: sa shumë e duan Luis Suarezin? Ata gjithmonë e urrenin atë, derisa largua drejt Atletico Madridit.
Ata thonin se kurrë nuk do të jetë më i mirë se Benzema, por e vërteta është se Suarez është më i avancuar se Benzema. E njëjta gjë ndodhi edhe me Neymar, edhe me mua; por tani na duan, sepse nuk jemi më te Barça. Pasi Messi të largohet, shumë nga tifozët e Real Madridit, që e duan atë, do ta tregojnë veten. Unë besoj se ka plot ndjekës madrilenë, që e admirojnë Messin, por tani e mbajnë sekret, vetëm pse luan te Barcelona”.
